Euzkadiko Jaurlaritzak 1936-ren eta 1937-ren bitartean eraiki zuen babeserako lerroatik hurbil kokatua dago, Burdin Hesiaren Oroimenaren Museoak gaur egungo eszenografia argiaren bidez azaltzen ditu eraikuntza honen arrazoiak, gotorlekuen ezaugarriak eta nolakoa izan zen armada frankistak egindako eskuratzea: 48 orduko borroka biziak erabaki zuen Bilbo hartzeko gudua.
Gerra Zibilaren testuinguruan kokatuta, zentro honek Burdin Hesiaren historian murgiltzen du bisitaria. Panel, display eta garai buruzko erakustokien bidez azaltzen da nolakoak izan ziren garai hartako prentsa, tresneria, armamentua eta Bizkaiko historiaren gotorlekurik handiena eraiki zuten emakumeen eta gizonen bizimodua.
Gainera, Memoriaren Ibilbideari jarraituz, interesa duten pertsonak ondoko Areneburu eta Urko gotorlekuetara hurbil daitezke. Bertan, kontserbatzen diren lubakiak eta babeslekuak ikus daitezke, baita gaur egun zaharberrituta dagoen metrailadore-habia bat ere. Azken batean, esperientzia paregabea da gure oraintsuko historia arakatu daitekeen leku batean.